ذاكرة فنية..اخترت لكم نص (للمرحوم الفكاهي "الخليفة"

هذا النص مستخرج من شريط غنائي طبع طبعات متعددة .وأهميته تكمن في طرافة معالجته لموضوعة الموت بأسلوب يمتح من الثقافة الشعبية الذائعة .مضيفا الى ذلك خصائص فكرية وجمالية مميزة .فضلا عن جرأة صاحبه بعفوية محضة في معالجة رحلتين وهما -عملة واحدة بوجهتين مختلفتين تتكاملان في الدلالة على الانسان اذا مسته الحياة كان خنوعا .واذا مسته الموت كان جزوعا.

نقلا عن جريدة الاتحاد الاشتراكي الاربعاء 19 دجنبر 2001 العدد6705
بقلم د.عبد الرحيم مؤدن

نص القصيدة
الله الله
صليو على سيدنا رسول الله
الله يا مولانا
صليو على سيدنا
رسول الله
ملي عراق لجبين
جات الموت من الرجلين
سمعو اخوتنا المسلمين
فين غانمشيو كاملين
هاد لعشبة خلقها الله هي الموت
بداتني بلكعبة
طلعات لصاكي
زادت لركبة
زادت لفخذي
طلعت لبوكبار
زادت لكرشي
زادت لجاشوشي
زادت لعنكي
الله .الله
صليو على رسول الله
خرجت روحي ومشات
سمعوني اخوتنا لمسلمين
كبوا لما فسطلة
لاهو سطل سطل
لاهو طنجير طنجير
لاهو كافتريا كافتريا
مشاو حفرو قبري فلخلا
مشاو لموقف جابو ربعا صحاح
تاواو معاهم ستين ريال لواحد
كالو ليهم عاودو اتخادمو
كالو..آش غترفد ولاغطحط
مادري ولاخيش
كال ليه ..تبعني وسكت
جابهم وكال ليه ..ها هو فين مغط
رفد خوك ولاندلكك فعظامك
خرجو لوسط الدار
ساووني فلمراح
أودي آراسي شي نهار تصيبها
رفدوني وساروبي
على كل واحد

شحال تبعني من غاشي

ها الدنيا ماتساويش شي

وخا يكون عدك لفيرما

غاديين لا اله الا الله /محمد رسول الله

صلى الله عليه وسلم /صلى الله عليه وسلم

وصلوني الحباب

حتى لمطيمرة

زدك زدك

زادو علي حجر وطوب

جيت نهرب مالكيت فين نهرب

بكي ولاضحك

الله الله

كتليها الله

الله ...الله

جيتك طالب ضيف الله .

يا أرض الله

كالت لي مارحبا بضيف الله

ولا ركد لا باغي تركد

ركد بزز

ركد ولا نعصرك

فين لمنازل ولبنيان

فبن شداد وباه

فين لولين الله يرحمهم ويوسع عليهم

فين عناق بن عواج كان ساكن فلبحر

كاليك ..خوتنا تيشوي لحوت على الشمس

كون بقى كون ماخلا تا حوتا باش نتعشاو

تيظل غير يصرط وما تيشبعش

الله الله يامولانا

جاني نكير ومنكير

ماتلا ينفع تدبير

أراجل آجي نسولك

آسيدي ركد

كلت ليه .آش كلتي آسي

كال لي ..مالك راكد لي هنا ؟ قريش ؟

كلت ليه ..آسيدي مافراسي قرايا

كال لي ..ماقاريش ومسرح على خاطرك

نوض لجنة نت وخوتك المسلمين

الله الله

ماكاين غير الله

والشفاعة يارسول الله

صليو على النبي تربحو

يتبع...................

كلنا ليها اخي حميد اليوسفي
والخليفة هذا وصف الحدث بسداجة وبساطة لكنها ليست في متناول الجميع
ليتك تعرفنا به اكثر ولك الشكر
محبتي
اختك رشيدة

» اخترت لكم "خمس رسائل الى امي :نزار قباني
» قرائة في نص للمرحوم الشاعر كريم حوماري
» مجلة حوافر ..ثقافية فنية سياسية
» انطباعات فنية في ديوان "مدينة في القلب"للشاعر حميديوسفي
» ـ تفعيل محترفات فنية ومسرحية بالخصوص، داخل الفضاء الجامعي