يا حسره على هاد لحياةْ...كايتـقـادا مني لـشبـاب
واش نردهـا لّـــسـكـات...ونقول لك ودّي مكتاب
راني نادم على لي فات...ورانـي نقـاسي لـعداب
...
ما فيهـاش الدنيـا لامـان...لـحـمق هـو لـي يـتـيق
ولاّوْ عـديـانـك جــيران...خاص غير انتايا تعيق
رانــي بـايـت حــيـران...راني بلى مانعستْ نفيق
...
كـنــتْ قبـل غلــــطـــان...كـنـتْ يـا ودّي غـافــل
كـــانـو يـخـدمـو لـقـران...وانــا بنـعاسـي غـامـل
هـانـي عـامـر لـحـــزان...ومـع وقـتـي نـتــقـاتـل
...
بـحـالي بـحالو حـتـى انا...داك لي يخلّص فحسابو
حنى ربي نجّانــــــــــــا...هو ما نفعوهش حبــابو
الدنيا ما تسوى دبّانـــــه...وشحال هدرو فغيــــابو
...
كـــان داخـلــها صبّـاط...حسبها جـــــــهد ودراع
ملّي وصــــلات لرباط...ولّى بحوايجو يتــــــباع
حسبهــــــا تعدّي نَشاط...ولاّت لو هــــم وصداع
...
نهار شدّوه تـــــــــخلع...ماضاربلهاش حســـــاب
الريق كيــــــــف يتبلع...وهوما عند البـــــــــــاب
لي كان بصحتو يتمـتع...لاش يغدروه لـــــــكلاب
...
كان من قبل صـــــغير...يمارت الزين فيـــــــــــه
كّاع مايعرف مايديــــر...غير إلى تورّيه ليــــــــه
وعطى عقلو للغــــــير...وراه يكبر بلى بــــــــــيه
...
واش نقول لك الوالدين...ولّى مكتوب اللــــــــــــه
حيت لي مشى بلى دين...تلف على الطريق وتـــاه
اليوم داك الزين فيــــن...الهم والكيــــــــــــف ادّاه
...
قالوالخطفه ساهــــــله...وهو كيف الفار يعيـــــش
امّو لي عليه هابــــــله...وهو مضوْخو لحشيــــش
شي عين بالدمع سايله...عليك يا منتوف الريــــش
...
قلت لو لي فاتك بليـله...عارف لحر ليـــــــــــــــام
حيت فاتك بالحيـــــله...يدير طريقو فزحـــــــــــام
مازال يّامك لقليـــــله...تغرّك تغدرك لحــــــــــلام
...
إلى تفهمها بالغـــمزه...لـــحلال قلـــــــــــيل ودايم
وانت داخلهابالركـزه...جاهل ويصـــــحابلك فاهم
عنداك تولّي بالنــغزه...عنداك عشرةْ لبهــــــــــايم
...
لعمر يمشي طيّــــاره...وقــتو كّاع ماتــــــعرفوش
انت مكّوّد لحـــــماره...عاد ودافعــــها بلفــــشوش
الفاهم يوعى بــعباره...الصطل إلى يكون مرشوش
...
يحسابلو جيلـــو تاني...وانــــــا مـن دوك لقــــــدام
عيِيتْ نبيّن لمعانـــي...مابـغى يــــسـمع لــــكــــلام
اليوم لي صار يعاني...يا حــسره على دوك ليّــــام
...
واكيف حالك الـــيوم...مابــــين دوك الحيــــطـــان
شحال تهلـك لـــهموم...شــــحـال ترشّــــي لحـزان
ويلى بـــعقل معلـــوم...ونـــفـــكّــــوها بــــسنـــان.
