رجعي الله يهديك

عدد الرسائل : 442 تاريخ التسجيل : 21/02/2011

محجوبة آ محجوبة
طالت هاد لغيوبة
رجعي لينا
هاد المرة والثوبة
بلا بيك الفرحة ف حياتنا مسلوبة
حتى الحيطان من غيرك منكوبة
الصمت مخيم تقول
لركان امريضة ومعطوبة
بلاصتك باينة ما هي محجوبة
وعليك وحدك مكتوبة
رجعي لينا
راك عندنا غاليا ومطلوبة
حني وعطفي علينا غير هاذ النوبة
وعرفي بللي راك عندنا كثير مرغوبة
وف قلوبنا محبوبة
ما نتخلاوا اعليك
وانت خطواتنا المحسوبة
انت النور لمضوي
بلا بيك أنا بلا اغطا
عايش امعري
انت احياتي وكل سري
نعلي الشيطان
وانا راجل ما شي دري
غلطة صدرت مني
غفريها وعدري
مهما كان راني راجلك
غفريها وصبري
إيخلصك الله وعليها التأجري.
---------------------------
محجوبة
بيتي هذا ابنيتو معاك طوبة طوبة
إلى نرجع نكون معزوزة ماني مغلوبة
وما تعاملني معاملة لبهيمة المكسوبة
انصبن وانطيب ونكون بحال البكرة المحلوبة
بزوج نكونو امشمرين
داخل وخارج البيت متساويين
امشى عصر أنا راجل
وانت امرة معمولة للتصبين
هذا عصر الكفاح و لعوين.
إيوة إلى وافقت على الشروط دابة نلبس الكبوط.

» هو الله
» عندما حلمتني في بيت رسول الله صلى الله عليه وسلم
» الله يزين الملقى مع الله: اللقاء المحبوب.
» الحق هو الله والحقيقة هي لا الاه الا الله.
» الله الله عليك يا أنا