سبع وجوه
مشاركة متواضعة اهديها لجميع المبدعين المغاربة
الزمان طاحونة جمرة سخونة
غول مهبول مدغول
مايفرق بين الخواض والمعقول
وانت شيطان انسان مدلول
عندك سبع وجوه
صفي عقلك صفي قلبك
صفي هبالك غسل خيالك
الضحكة عندك مغبونة مغشوشة
شوفتك غدارة حكارة
كلامك نفاق مخلط بالحزارة
نفسك بالكدوب تنوح يا سبع وجوه
ياقليل العفة انت غير دفة
كفة عامرة دنوب
داوي حالك احضي لسانك
عرف اش تتقول
علي شانك نقي سلامك
هني روحك من محاين زمانك
خلي وجهك انور
وسميتك منقوشة فوق الصخر
يا سبع وجوه
نورالدين فهمي بنسليمان
[color=brown]
بالتوفيق لهذه المشاركة المتواضعة ،والمعبرة
