الدخان

كلامي مع مول الشيشة واللي مبلي بلحشيشة
ودخان من كل النواع
واش حاسب هادي معيشة ورجاك تربي الريشة
مع سم بغلاه يتباع
فللول كان غير طيشة وشيشة كتجر شيشة
...ولليتي ليه تباع
عندك شخصية هشيشة وعقلك عقيل شي مشيشة
قطعو نشبهك بالسباع
قادر تعرش تعريشة تكمشو ترميه فشي خنيشة
وتصرررر علاقلاع
ساخي بحقك فلمعيشة اراك للكارو وشيشة
ولهلا يردك كاااع
عندي لك سر يفشى وسرار خرى بلكمشة
تشيب الراس يقراع
كاين للي مريض فيه رعشة بطلوع الروح يتمشى
والكارو بين الصباع
كاين اللي عشاتو دشيشة واللي مجوع لكريشة
يوفر لسوء الطباع
ماشي عقلية هيشة وشتيف سخيف فلمعيشة
على سم ولادو جياع
اينوض ايغني رويشة واللي يكنش تكنيشة
راه سم فولادنا وشاع
ولا داك غير ولد عيشة انا ولدي ماتوشة
نغمض ونسد لسماع
هداك ولدي اولد عيشة ونبكي لا فولدك قمشة
ياللي هارب من الصداع