محمد لبزيز
عدد الرسائل : 55
تاريخ التسجيل : 02/08/2012
 | | موضوع: "يالي مسافر بعيد" الخميس فبراير 14, 2013 4:29 pm | |
| "يا لي مسافر بعيد"
يا لي مسافر بعيد
علاش مجتيش في هاد العيد
واش قلبك انتاي من حديد
واش مبغ يحن قلبك مزال
********
الميمة تحلم بيك في المنام
تتمنى يكون خير وسلام
يا وليدي حرام عليك حرام
تخلي الميمة في هاد الحال
*******
تبكي مسكينة دموع الفراق
فلبها لصورتك مشتاق
وانت واش ضميرك فاق
ولا تبعتي غير المال
********
قلبك قاصح بحال الحجر
ما تسول فيها ما تهضر
مسكينة على قبلك تسهر
وانت ناعس مرتاح البال
********
دابا يجي غادي تندم
دابا يجي يوم فيه تألم
بلسان الحسرة غادي تكلم
يوم ميبق فيه مايتﯖال
محمد لبزيز(اسفي)
زجال وكاتب كلمات اغاني
الهاتف 0669356 456 | |
|
