"بحر الهموم"

عدد الرسائل : 55 تاريخ التسجيل : 02/08/2012

بحر الهموم

همومي هايجة بحال البحور
وسفينة حياتي فيها غرقات
بحري أنا نجدف على امواج بحال القبور
امواج الهم هلكت لي الذات
شفقات النورس لحالي المضيوم
وبلسان الصبر والوناس لي غنات
ضحكات وتعجبت لهاد العبد المظلوم
صابر وحدو يواجه بحر الظلمات
غادي أنا وطريقي ظلام
لا نور فيها لا ونيس والعين دمعات
غادي وحدي لا صديق يبادلني الكلام
نجدف تايه في بحر الاموات
شفت قنديل يتراقص نورو من بعيد
جدفت زربان والقلب ضرب ضربات
ضنيت الأمل رجع من جديد
عييت ما نجدف والاكتاف عيات

محمد لبزيز-اسفي
زجال وكاتب كلمات اغاني
الهاتف 0669356456-

» "بحر الهموم"
» راس الهموم( 2) – من هناك
» راس الهموم(1) : كأنه كابوس