لــــڭـــنــــاطــــر و الــــغـــيـــث
وخـــــايّــــت آخــــايّــــــت |
البنية التحتية
يفضحها الغيث
تفضحها الأمطار
و البنية الفوقية
تفضحها الشكارة
يفضحها الدولار
طاحوا لڭناطر
تعزلوا الدواور
الواد جرف لعباد و اكسيبة ف الساعة و الحين
اللي مات و اللي تيتّم ف رمشة عين
والمغشوش من الڭناطر حديدو ما هو متّين
المرشح و النايب
حجّ وزمّزَمْ
و للبلا جا محزّم
ما يهمّو بكا و نواح
من عامل أو فلاح
تقاعودو هو به مرّح
و خلصّتو بيها مرتاح
* * * * *
الكفن ما فيه جياب
و الناس اصبّحت دياب
سوى لابسا الثوب
سوى لا بسا الكتّان
لا ثيقة لا أمان
المرشح و النايب
شادين قهيوة و يتفرجوا ف لويفي
يتسناو ف البارصا و الريّال
يتفرّجوا على لعباد اللّي جرفهم الواد
ف دشيرة و كلميم و سيدي إفني
رابت الديور لا خبز لا ضو لا سكار
نسا و رجال و صبيان
لا ما لا نعمة لا سبيطار
القناعة و المسؤلية وفين تصيب
اللي بغا الحليب
يبعّد النعجة من الديب
باقي المرشح والو ؟
باقي النايب صليب ؟
محمد الناجي
