هكدا ربونا والدينا
رباونا على المحبة كل الناس
رباونا على القلب الصافي بلا قياس
و الخبث و الكراهية ما عندو لاش
و اللي تبغيه لراسك تبغيه لجميع الناس
قولها بلا خوف بلا وسواس
آش هاد بنادم كحل الراس
مال عقلو تسوس وسواس
آش هاد الخبث صاب الناس
الرزاق الله وهو القادر بعبادُو ؟
علاش بنادم عدو وهو بنفسو جلادو؟
علاش بنادم قلبو بالشر زاد سوادو
لعمر قصير و فينك يا فاعل الخير
شحال يڭدك من الصباغة و الجير
و القّنبا و الدلو حاصلين فالبير
و اللي يدهن السير يسير
يشعل العافية بالكير
ربّ الوجود الواحد و حدُو
حرّم الظلم على نفسو
و هو الخالق و الخالد ف ملكو
و بنادم ذاك قليل العفّة
ظالم و مشرار ما يسوى بصلة
لا هنى لا لهيه قلّب على هاد الحصلة
قلب عليها خايب العفطة
قلب عليها سڭع الڭصّة
أنا ربّ الوجود
كنحفظ لحفاذ
بما عملو الجدود
و الله ينجينا من مصايب المصادفة
و الله من تعالى يعفينا
و العيب فيهم ماشي فينا
نـــــاجي مــحــــمـــد
