حكاية المرءة مع الخضار
شوفو شوفو يا الناس شحال دكي هد الخضار
يقول لمرا شحال كتعرف تتقدى و الراجل ما يعرف يختار
ويزيد يقول ليها جي عندي غي نتي و هو سدي على باباه في الدار
ها مطيشة ها اللفت ها السلاوي و ها لخيار
اما الكرعة و الديسير شحال يحلى فيهم النضار
ويقول لها حتى اللحم و الكرعين لاتخافي راه حدايا الجزار
راه ما يضرب ليك لعضم بالشاقور ماكاين غير المنشار
وشوف ولد الحرام غير فين ما دارت يعطيها ما يخليها تحتار
ونعس يا الراجل و زيد نعس و سد عليك باب الدار
راه الجزار و الخضار اختاروا ليك مربط زين اللي هو مربط لحمار
ونزيد يا السامعين نكمل ليكم راها عندها حكاية خرى مع العطار
يقول ليها وكليه هد القوام او يصبح كيف الضبع ما يجوع ما يشبع
يعيش حداك عا حال فمو ما يعض ما يخلع
وتصبحي نتي يا لقطيطة في الدار هي السبع
ها زنطيط الفار اليتيم ها حليحل وها دوا الصرع
او ما تنسايش تبخريه ببلارج و طيرة بقر
يصبح ما يدوي ما يهضر
او وكليه الشربيل اللي مبخر بسمق الشجر
و خليه حتى ينشف او شويه على الجمر
و ما تنسايش تخلطيه مع عضومت خطاف الشعر
راه ما يخليه يهز عينو في شي وحدة او ليها ينضر
تصبحي انت عينيه و يبني ليك في خيالو قصر
و عا نعس يا لحمار في المربط و زيد شخر
انت اللي ما بقيتي تعرفتتقدى لا لوز ولا تمر
وكمل نعاسك راها صبحت اليوم عليك تتمختر
ها عار ربي يلاما طلبو ايمتا يطل عليك لفجر
انت في الدار و هي تخدم
او حتى الى بغات تتزوج هي ليك تتقدم
و تقول ليك غير قبل علاش تخمم
الدار و الدراري و التسيير لاتهزليهم الهم
النعلة تنزل عليك وهي تحلف و تقسم
حتى تتهلا فيك غي قبل ما تخدم ما تردم
لا تهرنط و لا تحنحن غير كول و شرب و ضرب الطم
ايه على اخر ايامي رجعت الراجل حمار و هو شحال هاز دلهم
قال لي راني بغيت نوقف نخدم
لكن مالقيت فين ما كاين غير الظلم
هد القاضي اللي خلى لمرا عليه تحكم
ما خلا للراجل لا فين يقرا و لا فين يتعلم
حيت حتى هو مضبوع و صبح سمو سم
لمرا شدات الحكم شدت الوزارة و سكت و ضرب الطم
لا تبقاش يا المسخوط عا دكمكم
راه لحيوط عملوا لها ودن
ما تعرف منين يطلوا عليكو يهرسو ليك الفم
رني قلت ليكم خليوني ناعس حيت الى دويت ولدي يتاتم
يا ربي راه لازمك بينا ترحم
وراك انت بوحدك بينا تعلم
سمحوا لي حتى انا عييت منكتب او دابا لازم نحط لقلم
و بالسلامة انا قلت هد الكلام خاص غير اللي يفهم
رحال اودغوغ
