القـــلـــم
تعصر القلم وبكى مدادو دموع
حلف ما يخطط وليدي حلف ما يطوع
خاصم الورقة وقال اليوم ما بقى رجوع
فأايام الظلم وزمان الحرب والجوع
حلفتك بربي يا قلم
غير كتب وما غدي تندم
كتب على الحب كتب على السلم
خلي الناس فمنامها تحلم
كتب على حرف العين والعين مدورة وزوينة
زيد عليها الراء والراء حرة ومتينة
وزيد حتى الباء .الباء الثابتة الرزينة
وعلاش ياقلم تهجر حروفي مسكينة
نطق وقال جمع حروف الذل والعار
اللي باعت مكانها فعالم الكبار
حروفك ضيعت الهمة ونصرات الأشرار
رضات بالذل وخذلت الأحرار
ياك حروفي نددت واستنكرات
وعلى روح الشهداء يا ما صلات
عارضت الحرب وللسلم نشدات
حروفي عاقلة وعلى ما صابها صبرات
ريشتي تكسرات ومدادي نشف
فين الحق فين الباطل بغيت نعرف
ربي العالي وحدو قادر يلطف
يقهر الظالم وبعدلو ينصف
