لا تسولي علاش الدنيا هكدا
جراحك نداويها بحبي ليك
وجراحي على كلامي شاهده
وهدا يا الورده جهدي عليك
خودي صراحك فقلبي ليك
يتبدل الحال للي يرضيك
حركاتني العيطه لحنينه
هزاتني ليك داتني
خودي مني روحي لمسكينه
غربتي وحدي عياتني
دمعتك حياتني وليت ليك
خودي دموعي نبقى فيك
لاش انا نعيش بلا بيك
هاكي لساني هدري بيه
قولي كاع لي قلبك يرضيه
دخلتك حلامي حيت وحيد
دغيا وزاد عليك غرامي
وانت ساكنه لبعيد
مايوصل ليك غير كلامي
نضل نوصف فيك ونزيد
شفت فيك فرحي ونغامي
ما دريتي بالحب لجديد
ما دريتي بشوقي وهيامي
عايش بيك عالم فريد
لالاه انت تجيني فمنامي
خودي مني قلبي لعنيد
دوزي معاه مابقى في يامي
لاتتعجبي من حبي شديد
يدوب من سري ومقامي
فات عمري من غير عيد
مليت وهلكني تخمامي
بان لي فيك نور جديد
عميق كيما لي فحلامي
ما نخليك لغيري عنيد
ما نفرط فحبي وغرامي
عليك نكتب ما زال نزيد
يصير حبك والزجل طعامي
