فتيحة الدرابي
عدد الرسائل : 442
تاريخ التسجيل : 21/02/2011
 | | موضوع: شكون أنا ؟ الجمعة مارس 04, 2011 5:03 pm | |
| أنا نخلة متمورة
مغروسة ف أرض مغمورة
بالخيرات الموهوبة
أنا أرض ولود
مستحيل انتمحى من خريطة الوجود
أصلي اعريق، وجدوري مغروسة اعميق
غصني ديما اخضر
سولوا اعليا البادية ولحضر
أصلي مشرفة ومثقفة
منبع الحضارة
مولودة معايا الشهامة
طلقوا اعليا ثهم
صدقاتها أمم
في اعماقي اكنوز
الطماعة باغا ليها منين الدوز
غلبوني بالسياسة
ولمكايد الهدامة
وخاصموني مع الجارة
دخلوا لعماقي
وشتتوا كل اوراقي
ارماوها يمين واشمال
حجتهم أسلحة الدمار
أنا نخلة برية
سماوني إرهابية
كانت حجة خاوية بها دخلوا ليا
وبغاوا إيسيطروا على كل ما فيا
ولما جدعي التعدم
تهرقات وديان من الدم
نهاري ما ابق اطلع
وشمسي ما ابق اسطع
لكن جدعي ف اعماقي يلمع
والبطولة فيه تنادي وتصرخ
سجل يا تاريخ
العراق حرة وتبقى حرة
رغم الصواريخ
سجل يا تاريخ
الخونة اللي أمنوني
هم اللي سلموني
للعدو باش إينهبوني
سجل يا تاريخ
رغم الحصار رغم الدمار
العراق غادي يطلع فيه انهار
ويعرف العمار
ويعيش ازدهار.
هذا ما وقع للعراق وأخاف أن يعاد نفس الشيء لليبيا " نور عقول أمتنا العربية يا رب"
واهدينا للطريق السوي، وابعد عنا شر الفتن . | |
|
mohamed zitoni
عضو فعال
عدد الرسائل : 514
العمر : 54
تاريخ التسجيل : 21/08/2008
| | موضوع: رد: شكون أنا ؟ السبت مارس 05, 2011 12:43 am | |
|
شكرا لك لأنك تسجلين حضورك بنصوص شهية
تحياتي
| |
|
