شحال توحشتك
شحال توحشتك
يا يامنة
و توحشت فيك المحنٌة
و توحشت
بوسان اليدين
المرصعة بالحنٌة
علاش ما نتشاوفو
غير من العيد
للعيد
شفتي شحال
كنت أنا بليد
من غدٌا
إلى بغا الباري
نكون عندك
و معايا الدراري
سامحيني على التقصير
راني تلفت
و ما عرفت أش ندير
عارفك صابرة
و مسامحة
و ديما بهنايا فارحة
و عارفك ديما
عليا راضية
شمس ديما
عليا ضاوية
تدعي معايا
ليل و نهار
و ديما دايرا
بحسابي
فالشوار
وخٌا فغيابي
ثمة
ديما
مطلعا لي الكلمة
نطلب من الله القهار
يطول و يزيدك
فالعمار
حتى نقدر نرد
و لو غير القليل
من صبرك
و كدٌك الجميل
تحياتي
