الغيوان
بسم الله باش نفتح ويجود الغاني l والصلاة عل النبي العربي بالحق هداه
الرحمة مكتوبة كونك هاني l والغفار كفوف التوبة بالوعد واصلاه
المليح فقلبو عايش ديما هاني l والراشي الهم والتخمام ياك جلاه
الغيوان فالقلب ساكن رشاني l بحور الخاوة والهمال زيداه
ننظم ونكول ما يعي به لساني l بلغني د الكلام زين مقامو محلاه
مجامر كادية او كيسان فصواني l الدقة على البندير بالايقاع مساوياه
الرزة فايضة بالكبة والراس يكاني l والمازن على لشكال كلها وملاه
متني ومثلت ام لالة حياني l رباعي وسداسي والنوبة جاياه
مالين الحال كاملة والراوة عشراني l تنشد وتكول كلها باش سخاه الله
زريعة دايمة د الكول راه بلاني l نتيه فبحورو والكانة تابعاه
هذا حالي وحروفو مكتوبة l بطيف البلاد فين حط غناه
هزار مولف والنشدة محبوبة l توب ميصل بالرشكة وتاه
كسان الغرام بالخاطر مكبوبة l تسقي الراوي والعشاق معاه
لرسام مقام غي فاش جات النوبة l حديث او مغزل والنظم لاشك دواه
الغيوان جاني كطلوع الصابة l خضر جناني بالنظرة بهاه
زرعتو وجمار القلب لهابة l طف نيران الشوق ورواه
زهر زهير كوحوش الغابة l تلف خوف المغبون وداه
عيط عيطة والنغمة عدابة l الكية والجرح البالي كلشي حياه
من بعد الحرث والنقش المزيان l زرع كلمات الحق والخاطر معاه
فدان او فلاحو زين التكمان l هاك وأر بالكسولة سواه
بالنطق والحرف باين الغيوان l غز القلوب والخواطر حتى شي م اخلاه
كلام معطر وافي بالحق ملان l داز على الصغيرة والكبيرة كلشي عراه
يهجي ويمدح كلشي مقبول فالميزانl يفرح ويجرح ما يظلم الحق براه
كلشي بحقو معروض عل لعيان l تحكم بسرارو وتغني مراه
الالة حياني عل لقلوب الحنان l بالدمعة تكاني خابرة للغاه
د الغيوان اخيي جرتو براني l ما يعرف محنة كلشي ياوعدي بكاه
د الغيوان أو الكلام فيه غاني l نزرع وروى وغنى بفضل ملاه
سايح بين أهلو لونو وجداني l يجري فالدات لعظم دفاه
وليد صغير وانا وحداني l نربيه فالأحضان ونعيش معاه
عبدالعالي الوالي ميسور