الما...كينا

الما ـــ كينا

المفضل الياموني



ف الساكن فيا..
بلا شوار...ــــــ بغيت فيه نكن
نهار
نضوا...نشعل...نشرق

ف راس الحق..

راه
الحروف يلا طاعوا..الميت
يفيق
يوكل لارواح..
يلا جاعوا.
يفتحوا ف الظلمة طريق
غ تحس باللذة
عرف الزايد معاك
خارج من الضيق
كن عل بال
الولد ة ماتكون بلا حريق
زلك أوا....زلك لعقيق
زبر الحرف لي بغى..
يعيق
ها لمرمة هاليام
درز
وخليني نهدرز
والمعنى طالعه شهيق..
خليني ف حالي
ساكن خيالي
نبركم....نخمم
نتمتم
هايم ف رحبت سوقي
هارب من جهت بنادم
نقلب عل نشوتي
عل شوقي

نعصر عروقي
نحلب الخاطر
يسيل الهم بالتخمام
لي شربته عل الريق
ترياق زعيق..
خوي أوا...خوي

قاد لكلام
فرغ
لي نبت ف الدماغ
كاد الحرف ف الوالدة
دير راسوا لفوق
رجله ف كرش المعنى
موكي للمحنى ف لعروق..
يخرج خـــــــــــز
يشبه ربيع


جوهر


مانشرى مالبيع


زرعه ينبت نور
رشه يطلع بخور


تفيض المعنى



تهيج لبحور
يلا طاع الحرف
يتفتح ورد لقبور
تخرج الكلمة نتوا
ف مراح الورقة تدور

تقرا الفال
تهز من عل كتاف الروح الثقال

تهرس سلاسل الدل

تنبت عل خد المقهور

فرحه
عل فمها تبسيمه
عل راسها ثاج
عز
وشان وقيمة
ثاج
على راس راسي
يلا كر الحروف تنوض ريح وعجاج
حروفي وانا ملاها..
انا لي نعرف ا ش معاها..
هاهي تدور ...تفك قيود النور
ترجع بالتاريخ ..
للور....
ليام حداها حانيه الراس
ضربه بالزمان قبح
ـــــــــــــــــ من ضربه بالفاس
عصر
ــــــــــــــــــ أوا عصر
وقطر لي ف الكاس
تعصار لعنب
ـــــــــــــ خضر
ماشي ك تعصار الراس
لي بالمعنى يسكر
ماشي ك لي يضرب الطاس
عفاك اعطيني ندوك
عل غدايد هادوك
لي خداوا...
ـــــــــــــــــ مااعطاوا
ـــــــ النم ـــــــ
اش يسواوا..
عفاك كر بالحق
هذاك لي سرق..
وزهق
انا لي ساكت عليه..
مكتفني خوفي

هذاك لي مخليني
ـــــــــــــــ

نلكط النبق
كيته
مازال ف جوفي...

تحرق...

المفضل الياموني04/08/201

نص زجلي ممتع كالعادة أستاذ لمفضل
تحياتي

الاخت الكريمة زهرة درار ..



شكرا لك على الكلمات التحفيزية..







لك الاحترام المطلق.

الزجال المقتدر..

شكرا لك على مؤازرتك.
لك مزيدا من معزتي..


غيدك مبارك وكل ايامك عيد.

شكرا غاليتي فتيحة ..
اتمنى لك كل الالق..
مع تقديري..