[center]ريق...الما
ـــــــــــــــــــ
ملي كتملكني الغمـــــــــــــــه
ـــــــــــــــــــــــــــ كنهرق ما
*****
كنفركل /كنتــــــــــراكل فيا
كنبغي نتفك مني
أنا......الحاصل بيا
نطير ف السما
*****
كيضرب الصح
فراسي
كنلقاه جبح
تنحس بريق الحرف
عل اللسان
راس السر فدواخلي كيبدا
يبـــــــــــــــــــــــــــــان
*****
كنحط لعقل على لخيال ميزان
كنلقى لعقل غاب
تنمد يدي لقلبي
بالشوق طاب
تنحس ف حناجري
الكلام داب
تانرد لجهتي البال
تنلقى روحي ......لاسقة ف التراب
طالب غير السلة
ماباغي عنب مابغيت جنان
اشكون كان سباب..
حتى ولات الدواخل
معذبه فينا .....
ـــــــــــــــــــــــــــ الانسان
****
الخيال ملي تيقصد
الكانه تاتعواج
كيتلفلها البلان
العقل مغنان..كيتبعها..
كيبدا ينبش ف اللي مشى
الحرف بشويه بشويه
تايزهق
تانشهق
الريح مني تايتطلق
بين جرحه وجرحه
تاندوخ بريحة القرحه
باش نفيق تنوي نشومني
شويه ديال الفرحه
تانتوحم عليها
بلا وقت لوحام
تاتجي قبالتي وهام
كنفرنس
فراس مشوط
داته كيه مخيطه بكيه
تنقي الحكره
اللي ف لعظم منسيه
تانلقى شلا كلام
محتاج يتقال
تانحس به
نازل على قلبي ثقال
****
كنبعد عيني ..كنجبد النظره
بين اهلي ولحباب
تانشوف عرارم
ديال الهضره
واحله ف التراب
***
موسخه البال
معنصره عل ضهر
الحال
مزموته...بالخوف
مركنه ف الجوف
شحال يقدني من الريح؟
باش نهزني مني كامل
نترفع صحيح
نهرق ونسيح
انا اللي معاكم كندوي
عامر حتى للشفايق
..........وخايف
والوا واقف فبالي
مع راسي ......مطايف
انا اللي كندوي
معمر ....ما ..
شحال خصني نخوي
باش نطير مني بخار ف السما
بغيت نهنيني نعطيني بالتساع
انا اللي كاندوي بغيت نشوف..
فدواخلي القاع..
نتجفف من الصداع
****
خاص عشراني ف الكلام
يعرفوا:
بلي ماشي غير بغيت وكان نكتب
بغيت نقول ملي تنكتب معمري تانكذب
انا الانسان..
من النهار اللي خلق
فدواخلي تكمش
ماشاف ماعاش
هو اللي ف اعماقي تاينبش
من النهار اللول ولا من ليام اللوله
وهو قارم فهذ الكرش
محكور ف الظلام
مشتاق للنور..ولا شاف نهاربيض
مشتاق يعنق الدنيا طول وعرض
من النهار اللول وهو تايشوف غير الهم
قدامه تايعرج
هو دمعه وتاتبغي تخرج
هو حلمه بالامل منسوج
هو دري بمصارني مقجوج
***
مايبغي قمع بالفن
مايبغي زياده ف القهر
ولوساخ ولعفن
***
هي زكيه وباغيه اللي يسمع
هي جدبه وحيره وعين تدمع
هو صرر ..حاصر بحر
وذاك لحجر حاطه يدها عل فمه
عندك يهضر
يعيط على ولاد مهمومه
ويغني فينك ياحلومه/ فين ذاك النهار الزين
لي قلتي غدي يجي مكحل العينين
ويبان سر لبلاد
قبالة لولاد /بشارة
عروسه مسراره
وماتسمع لا هاك لا ارا
لا كول لا مسح
لا دردك لا شطح
كلشي فرحان وكلشي
من حقه يفرح
لا هذاك خويا ولا عندي عمي خو بويا
وعندي اختي
ولا عندي
خاي
مايبقاش ذاك الشي بالعلالي
ها النشاط شاط
هالاله يلالي....
ها الراي...
المفضل الياموني...2011/11/11
